Отримани Орґанизацийни одбор за преславу нашого националного швета

автор зам
757 Опатрене

КУЛА – У просторийох Руского КУД „Др Гавриїл Костельник” вчера, 15. децембра, отримана порядна схадзка Орґанизацийного одбору за Централну преславу националного швета Руснацох, хтора 16. януара 2016. року будзе у Кули.

На схадзки указани идейни ришеня за плакату и поволанку, хтори уж дати и до друку, як и за сценоґрафию на Шветочней академиї, хтора прилапена з меншима предкладанями за дополнєнє.

1-Kula-02

Винєшене же материял за моноґрафию о Руснацох у Кули до друку будзе придати цо скорей, а найпознєйше по Крачун по григориянским календаре. Пририхтованя за три вистави и їх провадзаци змисти иду як плановане, почню и проби за точки на Шветочней академиї, а концом того тижня и технїчни екипи з РТВ Войводини и особи задлужени за технїчни бок на Шветочней академиї нащивя салу Културного центру у Кули.

На вчерайшей схадзки порадзене же представителє Одбору тих дньох знова нащивя чолнїкох Општини Кула, пре конкретизованє Протоколу о сотруднїцтве медзи Општину Кула и Заводом за културу войводянских Руснацох, як главним орґанизатором Централней преслави нашого швета.

До конца того рока будзе отримана ище єдна схадзка Орґанизацийного одбору.

ПОВЯЗАНИ ТЕКСТИ