Отримани остатнї турнир у ювилейним року СБ „Яша Баков”

автор апа
1.1k Опатрене

НОВИ САД – Всоботу, 26. новембра, у просторийох Руского културного центру (РКЦ) у Новим Садзе отримни турнир у пикаду, як остатнї тогорочни турнир у рамикох Спортских бавискох (СБ) „Яша Баков”, у року кед СБ означую 25-рочнїцу свойого отримованя .

На турнире участвовали шейсц екипи – СД „Русин” з Руского Керестура, „Папивинґ” з Вербасу, „Петровци” з Петровцох, з Горватскей, КУД „Тарас Шевченко” з Дюрдьова, „Искра” з Коцура и РКЦ Нови Сад, а победзела домашня екипа РКЦ зоз 785 бодами, у хторей були  Александр Белич и Иван Горняк.

13-Pikado-02

Друге место освоєла екипа „Петровци” з Петровцох зоз 698 бодами, за хтору ше змагали Янко Сопка и Звонимир Ерделї, а треце место освоєла екипа КУД „Тарас Шевченко” з Дюрдьова з 599 бодами, а у нєй були Михайло Киш и Давид Салаґ. Штварте место завжала керестурска екипа СД „Русин”, пияте коцурска „Искра”, а шесте вербаски „Папивинґ”.

У женскей конкуренциї було лєм два екипи – „Папивинґ” з Вербасу, за хтору ше змагала Сашенька Папуґа и котра освоєла перше место зоз 339 бодами, и СД „Русин”  з Керестура, за хтору ше змагала Наташа Гайдук, котра освоєла 265 боди.

У миксу тиж були два екипи – „Папивинґ” и „Русин”. Лєпши були Керестурци, та перше место освоєли зоз 822 бодами, а Вербащанє друге зоз 803 бодами.

У поєдинєчней конкуренциї найлєпши бул Златко Колєсар, котри ше змагал за „Искру” з Коцура, а перше место освоєл зоз 547 бодами. Друге место зоз 464 бодами освоєл Иван Чапко з „Папивинґу”, а треце Иван Горняк з РКЦ зоз 463 бодами.

После змаганьох предсидатель Управного одбору РКЦ Владо Иван Вева найлєпшим уручел медалї и Подзекованя СБ „Яша Баков”.

13-Pikado-03

 

ПОВЯЗАНИ ТЕКСТИ