Отримани Фестивал тамбурових и народних оркестрох „Мелодиї Руского двору”

автор влдї
1.3k Опатрене

ШИД – Дзевяти Фестивал тамбурових и народних оркестрох „Мелодиї Руского двору”, отримани всоботу, 3. септембра, на лєтнєй бини у порти Лєтнєй владическей резиденциї.

У змагательней часци участвовали дзевец оркестри з наших културно-уметнїцких дружтвох, а побиднїка виберал и фахови жири, алє и публика.

По одлуки фахового жирия награду „Еуґен Сабол Ґена” малюнки, у катеґориї вельки оркестер (вецей як шейсц члени) достал оркестер Руского културного центра з Нового Саду, у катеґориї мали оркестер КУД „Петро Кузмяк” з Нового Орахова, а найлєпшу композоцию виведол Тамбурови оркестер КУД „Тарас Шевченко” з Дюрдьова зоз солистку Тамару Салаґ. Публика за найлєпши оркестер вибрала домашнїх, КПД „Дюра Киш” зоз Шиду.

01-melodiji 02

На фестивалє наступели и оркестри КУД „Яким Гарди” зоз Петровцох, Дома култури з Руского Керестура, КУД „Жатва” з Коцура, Горватске културне дружтво зоз Шиду, а Дюрдьовчанє наступели (окрем тамбуровей) и з народним оркестром.

У ревиялней часци наступел Тамбурови оркестер „Да не умре тамбура” зоз Шашинцох хтори виведли венчик войводянских и сримских народних шпиванкох.

Пред отримованьом Фестивала отворена вистава етно-штандох Здруженя женох „Радосц” з Бачинцох, „Бикичанки” з Бикичу, „Жридло” з Беркасова, женох зоз КПД „Дюра Киш”, штанд мали и малженска пара Миряна и Борислав Барна, як и НВУ „Руске слово” хторе представело свойо виданя.

01-melodiji 03

ПОВЯЗАНИ ТЕКСТИ