БАЧКА ПАЛАНКА – Внєдзелю, 26. мая, у Бачкей Паланки, отримани XXXIX Майски стретнуца огньогасцох. Стретнуца почали зоз дефилеом шицких учашнїкох и превозкох у центре Бачкей Паланки, а после дзвиганя державней застави, предсидатель Огньогасного союзу Войводини Синиша Шавия отворел Майски стретнуца огньогасцох.
Члени ДОД Коцур наступели на Стретнуцох зоз двoма екипами у катеґориї Вежба на огньогасней превозки – сениоре, хлопи и єдну хлопску екипу ветеранох. У конкуренциї од двацец екипох сениоре зоз Коцура завжали седме и дзеветнасте место, а ветеранє дому пришли зоз пехаром и медалями за завжате треце место.
На Стретнуцох огньогасци ше змагали у катеґориї подмладку хлопски и женски екипи и катеґориї сениорох хлопски и женски екипи, та и катеґориї ветеранох.
OLYMPUS DIGITAL CAMERA