ОФК Бикич на соботу означи ювилей

автор влдї
869 Опатрене

БИКИЧ – Бикичанє ше пририхтую за означованє 30 рокох постояня ОФК Бикич, а програма означованя будзе на соботу, 14. новембра.

Тераз ше билї просториї Клубу звонка и знука, коши ше траву коло терену Спортского центру „Стеван Бобаль” и друге.

Ювилей возвелїчаю фодбалере „Искри” з Ґерлахова, з околїска Бардейова зоз Словацкей Републики, хтори до Бикичу приходза на пияток.

На соботу на 14 годзин будзе бавене змаганє домашнїх и госцох, а на 17 годзин у Доме култури будзе шветочносц з нагоди 30-рочнїци Клубу, на хторей  буду  подзелєни и припознаня заслужним.

Госци зоз Словацкей нащивя и Шид, а внєдзелю ше врацаю дому.

ПОВЯЗАНИ ТЕКСТИ