ВОЙВОДИНА – Понеже познєйше пошате жито почало квитнуц, фаховци препоручую же би ше го охранєло од хоротох и инсектох, бо обачени трипси и уши, а житна пиялка у фази ларви. Совитоване же би ше за охрану хасновало инсектициди, у коминованю з фунґицидом.
Фаховци препоручую же би парасти померковали на жито хторе познєйше пошате, бо го тераз треба охранїц од физариюмох – хоротох хтори ше зявюю у фази веґетациї и барз уплївую на конєчни урожай.
Попри на житу, житна пиялка може направиц чкоди и на овсу и ярцу, гваря фаховци, та кед ше обачи 10-15 одроснути инсекти на єдним квадратним метеру, потребна хемийска защита.