ВЕРБАС – Пондзелок у ОШ „20. октобер” у Вербаше отримана схадзка Совиту родичох, на хторей су упознати зоз шицкима активносцами у прешлим полрочу у Школи, а представел им их директор Школи Раденко Шимун.
Родичи нащивели и предлужене пребуванє хторе у тей школи функционує уж роками, а портпаролка Школи Ваня Пипинич здогадла и на ище два проєкти Школи – билинґвалну наставу и проєкт „Друга шанса”.
Билинґвална настава по сербски и по анґлийски у Войводини постої ище лєм у єдней бечейскей школи, и у Вербаше маю вше вецей школярох на тей настави, би є добра основа за познєйше ученє язикох.
Основне образованє одроснутих „Друга шанса” нащивюю старши школяре зоз шицких местох вербаскей општини, алє и з других местох, з Туриї и Надалю.
Директор Школи Раденко Шимун визначел же после обсяжного випитованя, Школа од Републичней инспекциї прешлого року достала найвисшу оцену.
У тей школи запровадзене и виучованє руского язика и того року єст 17 наших школярох.