О заступеносци националних меншинох у правосудней системи

автор зам
837 Опатрене

БЕОҐРАД – За представительох националних совитох националних меншинох у Сербиї Високи совит судства Републики Сербиї нєшка, 30. септембра, у Палати „Сербия” у Беоґрадзе орґанизує Округли стол о приступу националних меншинох ґу правней помоци, а у складзе з Акцийним планом за Поглавє 23 о приступаню ґу ЕУ и Акцийним планом за витворйованє правох националних меншинох.

О спомнутих двох документох представительом националних совитох буду бешедовац представителє Министерства правди, Министерства державней управи и локалней самоуправи, Канцелариї за людски и мешински права, Високого совиту судства и Державней ради тужительох.

Ґу тому, члени Високого совиту судства на Округлим столє представя роботу Заєднїцкей роботней ґрупи Високого совиту судства и Державней ради тужительох за оцену приступу националним меншинох ґу правосудней системи, а хтора подрозумює анализу заступеносци припаднїкох националних меншинох у судох и явних тужительствох и анализу хаснованя службеного язика и писма у правосудней системи у Сербиї.

ПОВЯЗАНИ ТЕКСТИ