БЕОҐРАД – Представителє штирох синдикатох просвитних роботнїкох вчера мали схадзку з премиєром Александром Вучичом и министрами просвити Срдяном Вербичом, державней управи и локалней самоуправи Кори Удовички и финансийох Зораном Вуйовичом, на хторей просвитаром поведзене же о звекшаню їх плацох одлучи нове зволанє Влади.
Премиєр гварел же терашнєй Влади образованє на першим месце и кажде видвойованє за тоту обласц будзе векше у одношеню на други сектори, алє ясни бул став же ше конкретно о пенєжу будзе бешедовац з нову Владу, гварела предсидателька Униї синдикатох просвитних роботнїкох Сербиї (УСПРС) Ясна Янкович после схадзки.
– Приоритет обласци образованя премиєр на вецей заводи наглашовал и прешвечовал же Влада остава на тим курсу, алє нєприємно нас нєсподзивало же ше по формованє новей влади нє будзе бешедовац о процентох и цифрох и вообще, о звекшованю плацох – гварела Янковичова.
О дальших крочайох УСПРС одлучи 12. марца, на схадзки Главного одбору.