ЖАБЕЛЬ – Представителє Покраїнского секретарияту за образованє, предисаня, управу и национални меншини-заєднїци вчера у Штреднєй машинскей школи „22 октобер” у Жаблю отримали схадзку з представителями школох зоз жабельскей општини, на хторей бешедоване о їх роботи и проблемох з хторима ше стретаю у роботи у просвити.
Схадзка отримана и же би ше занятим у школох помогло у ришованю проблемох, а поинформовани су и о програмох и проєктох вигодних за їх школи.
Бешедоване и о упису школярох до штреднїх школох, односно на яки способи помогнуц у популаризованю спомнутей єдиней штреднєй школи у жабельскей општини, о спортских програмох у школох, о защити школярох у транспорту, їх безпечносц у школи и вонка з нєй и других темох.
На схадзки наглашена нєзаинтересованосци родичох и дзецох за школски активносци, же лєпше познаю свойо права як обавязки, так же ше нє почитує наставнїкох и професорох як педаґоґох котри воспитую дзеци, а як проблем визначени и вельки транспорт коло шицких пейцох школох у општини.
Представителє Покраїнского секретарияту за образованє таки сходи планую отримац у шицких општинских местох у Войводини.