Палєнкаш представел свою творчосц наймладшим Керестурцом

автор сен
1.2k Опатрене

РУСКИ КЕРЕСТУР – З нагоди видаваня свойого нового албуму „Метрополис”, керестурски кантавтор Сашо Палєнкаш вчера виведол даскельо композициї наймладшим Керестурцом у Оддзелєню „Цицибан” Предшколскей установи „Бамби”.

Палєнкаш дзецом одшпивал свойо авторски шпиванки и дзепоєдни обробени з його нового албуму, а провадзел го Златко Русковски на кахуну. Окрем композицийох, дзецом представел и инструменти на хторих грали, а хтори дзецом були окреме интересантни.

То було перше з кратких наступох хтори Палєнкаш отрима у Руским Керестуре. По конєц марца свою творчосц планує представиц и у Дому пензионерох, просторийох Националного совиту Руснацох, месней библиотеки, Дому култури и у Основней и штреднєй школи зоз домом школярох „Петро Кузмяк”.

Предшколцом було интересантне и нєзвичайне вчерайше стретнуце з Палєнкашом

ПОВЯЗАНИ ТЕКСТИ