Панахида за шицких покойних

автор маф;фото:мст
999 Опатрене

РУСКИ КЕРЕСТУР – Вчера, на нєдзелю Шицких святих, парохиянє рускокерестурскей парохиї ше з панахиду на теметове молитвено здогадли на шицких своїх покойних предкох.

Панахиду служели домашнї парох о. Михайло Малацко и капелан о. Владимир Медєши. У краткей казанї о. Малацко наглашел же молитва за покойних ма смисла єдино у християнскей вири, бо так можеме уплївовац на їх спашенє, и то найвекши вираз нашей любови.

По заєднїцкей панахиди опрез крижу на штред теметова, священїки служели панахиди и на поєдинєчних гробох, по жаданю родзини упокоєних.

12-Temetov-02

ПОВЯЗАНИ ТЕКСТИ