РУСКИ КЕРЕСТУР – Члени рускокерестурского Здруженя паприґарох штварток, 14. юлия, нащивели подприємство „Желєни гит” у Беоґрадзе, хторе на отвореним и завартим пестує рижну желєняву, а специялизоване є и за оглядни поля з новима сортами желєняви, та и паприґи, за єдну голандску фирму. Дванац
Була то треца нащива Керестурцох тим польом у Беоґрадзе, у Батайници, и як Рутенпрес дознава од членїци Управного одбору Здруженя паприґарох Весни Гарди, домашнї им на тот завод окреме обрацели увагу на нашенє новей сорти паприґи хтора би одвитовала и керестурским паприґаром, а подобна є паприґи яку тераз ховаю.
Тиж бешедоване и о тогорочним вельким проблему на польох у Войводини и Сербиї, та и на польох под паприґу у керестурским хотаре – бактериози, понеже вшадзи желєнява охорела. Достали совити як тераз треба ратовац паприґу, алє и хтори превентивни мири убудуце треба преберац
И тота едукативна екскурзия паприґарох (у Беоґрадзе були 12 члени) витворена дзекуюци средством хтори, на основу конкурованя, Здруженє ище скорей того року достало од Покраїнского секретарияту за польопривреду.