БЕОҐРАД – Парасти котри протестую и уж седем днї на тракторох пробую дойсц до Беоґраду, поволали вчера предсидателя Републики Томислава Николича же би их нащивел на местох дзе их блокировали моци интервентней полициї.
Предсидатель Управного одбору Асоцияциї польопривреднїкох Мирослав Киш на конференциї за новинарох виявел же польопривреднїкох у протесту кажди дзень єст вше вецей и же нє одустаню покля спорни Закон о вименкох и дополнєньох Закона о польопривреднейжеми нє буде поцагнути з процедури.
На конференциї за новинарох парасти демантовали же єст подзелєня польопривреднїкох на землєдїлцох и статкарох и поведзене же з прилапйованьом Закона интереси и єдних и других буду загрожени.