НОВИ САД – По нєурядових податкох, у Сербиї того року зоз житом пошати од 550 000 до 580 000 гектари, а пре вельки осцилациї урожайох других ярнїх културох, фаховци оценюю же вше вецей парасти буду ховац праве жито.
Академик Србислав Денчич за РТВ гварел же ше найвигоднєйши период за шатву меня, та место початку октобра, парасти шею од 10. по 25. октобер, а спрам терашнїх оценох, жито добре напредує.
Пре познєйшу шатву, даєдни жита ище у фази ключканя, скорей пошати у фази розрастаня, но векшина у фази трох лїсцох, цо характеристичне за период пред наиходзацима нїзкима температурами.
Денчич заключел же пременки клими и вше векши суши причина же ше парасти вше частейше врацaю тей култури.