Парастом пенєж з фондох ЕУ у другей половки 2017. року

автор ртв/зам
717 Опатрене

БЕОҐРАД – Сербия би перши пенєж з предприступних ИПАРД фондох ЕУ за розвой польопривреди могла почац хасновац у другей половки идуцого року, виявел вчера член тиму Влади Сербиї за прегварки з ЕУ о польопривреди Данило Ґолубович.

Ґолубович гварел же би Сербия од 2014. по 2020. рок мала вихасновац 175 милиони еври з ИПАРД фондох, но же би ше пенєж могло хасновац, муши ше закончиц акредитованє Управи за аґрарни плаценя и тота робота ище тирва.

У тим напряме Влада Сербиї нашла можлївосц за обезпечованє роботи ище 106 потребним особом, як предвидзели стандарди ЕУ, як и же би ше одклонєло дзепоєдни хиби з чим тота институция будзе оспособена за процедури у дистрибуциї того пенєжу, потолковал Ґолубович.

ПОВЯЗАНИ ТЕКСТИ