БЕОҐРАД – Здруженє синдикатох пензионерох Сербиї вчера протестовалo у центре Беоґраду, а їх главна вимога же би ше претагло зменшованє пензийох. Кед Уставни суд нє одвитує на їх вимогу о оцени уставносци зменшованя пензийох, вимогу прешлїдза до Европского суду за людски права у Стразбуру, поручели пензионере, а преноши „Шлєбодна Европа“.
По ребалансу буджету у 2014. року одлучене же ше будзе зменшовац шицки пензиї векши од 25 000 динари. Пензионере котри протестовали поручели же нє глєдаю звекшанє пензийох, алє лєм їх врацанє на уровень пред зменшаньом.
Пензионере вимагаю и вименки Закона о пензийним и инвалидским осиґураню (ПИО), окреме у часци хтора реґулує число членох Управного одбору ПИО, котрих тераз єст седем, а з котрих штверо представителє Влади Сербиї. Кед пошвидко нє будзе реакциї на вимоги, пензионере за 1. май наявели нови штрайк.