Пенєжна помоц „Русину” од наших людзох з Канади

автор зам
970 Опатрене

РУСКИ КЕРЕСТУР – Концом прешлого тижня до Руского Керестура сцигла пенєжна помоц за оправянє просторийох Фодбалского клубу „Русин” на Ярашу, хтору у ширшей акциї подаровали Руснаци котри жию у Кичинеру и Торонту у Канади.

До Керестура помоц, хтора виноши 830 долари, принєсол дакедишнї Керестурец, у свой час и фодбалер „Русину” Дюра Фекете, котри тераз жиє у Канади. Як наглашел, акция у тей часци Канади орґанизована дзекуюци насампредз Гавриїлови Колєсарови, а до Фекетового обисца заинтересовани приношели пенєжни прилоги и акция вироятно будзе предлужена.

Подобну помоц од 630 долари концом прешлого рока „Русину” послали и нашо людзе котри жию у сиверней часци Канади, у Норт Бетлефорду.

Прилоги наменски буду похасновани за оправянє просторийох ФК на Ярашу (о чим вецей у найновшим чишлє „Руского слова”), а на помоци од наших людзох з Канади у мено фодбалерох и управи найщирше подзековали директор ФК „Русин” Александар Кочиш, тренер Златко Саянкович и спортски роботнїк и тренер Борис Шайтош.

1-Rusin-02

ПОВЯЗАНИ ТЕКСТИ