ШИД – Змаганя у 1. колу, хтори бавени вчера, означели початок єшеньскей часци першенства у Медзиопштиснкей фодбалскей лиґи Срим – ґрупа Заход, у хторей ше змагаю пейц клуби з општини Шид.
ОФК „Бикич” дома победзел Фрушку гору з Руми з 2:1, Сримец з Беркасова дома страцел од Гранїчара з Адашевцох з 2:0.
Шидска Єднота на госцованю у Сримскей Митровици победзела з 1:0 Трґовачки, а у Бешенову БСК победзел Обилич 1993 з Куковцох з 3:1.
На таблїчки Гранїчар треци з трома бодами кельо маю и ОФК „Бикич” на штвартим и Єднота на пиятим месце, а без бодох дванасти Обилич 1993 и тринасти Сримец.
У другим колє будзе дерби у Бикичу дзе ОФК „Бикич” дочекує беркасовски Сримец, Гранїчар будзе бавиц процив Зеки Булюбаши, Єднота дочекує БСК, а Фрушка гора будзе домашня Обиличу 1993.