КУЛА – На своєй першей схадзки у новим зволаню, под предшедованьом предсидателя Општини Кула Перици Видеканїча, Општинска рада (ОР) Кула вчера прилапела Заключенє о опреманю индустрийней зони у Блоку 66 у Кули, по хторим там будзе збудовани паркинґ и потребна транспортна инфраструктура. Пенєж за тоту роботу будзе обезпечени з ребалансом општинского буджету.
ОР вчера принєсла и Ришенє о надополнєню за безправне хаснованє державней польопривредней жеми за аґроекономски 2015/16. рок, так же воно виноши 191,40 еври по гектаре, цо штредня цена арендованя у Войводини за вонкасудски поровнаня.
Спомнуте надополнєнє буду плациц особи котри безправно хасновали державну польопривредну жем, а плаценє будзе у динарох.