НОВИ САД – На внєдзелю отриманим Републичним змаганю зоз сербского як нємацеринского язика у Новим Садзе, у катеґориї осмих класох перше место завжала Анастазия Чордаш з ОШ „Братство-єдинство” у Коцуре, а з Коцура на Републичним змаганю участвовали и Марияна Мали и Марко Буила з осмей, и Александра Русковски зоз седмей класи. За змаганє их пририхтовала наставнїца Снежана Шанта.
У катеґориї седмих класох Валентина Салаґ, школярка ОШ „Йован Йованович Змай” у Дюрдьове, завжала треце место, а на Змаганю з Дюрдьова участвовали и Валентина Михняк и Лидия Чапко, тиж школярки руского оддзелєня седмей класи, котрим сербски язик преподава наставнїца Драґана Дицков.
Вчера Рутенпрес поинформовал и о резултатох хтори на тим змаганю посцигли школяре з рускокерестурскей ОШ „Петро Кузмяк”.