КОЦУР – У Основней школи „Братство-єдинство” у Коцуре соботу, 31. януара, першираз отримани школске змаганє у шаху. На змаганю учествовали коло 20 школяре у штирох катеґорийох.
У катеґориї першей и другей класи перши три места освоєли Иґор Чордаш, Дамян Штефанко и Милян Радивоєвич, а у катеґориї другей и трецей класи найлєпши були Дамян Колошняї, Алберт Мади и Алексей Салонтаї.
Медзи школярами пиятей и шестей класи побиднїки Мирослав Няради, Лука Чулибрк и Неманя Татич, а у змаганю школярох седмей и осмей класи победзели Дарко Няради, Марко Недич и Филип Няради.
Як гварел руководитель Шаховскей секциї у коцурскей Школи Томислава Тот, школяре котри освоєли перши три места у каждей катеґориї, пласовали ше на Општинске змаганє у шаху.