ДЮРДЬОВ – У Основней школи „Йован Йованович Змай” у Дюрдьове вчера була програма з нагоди Дня женох – 8. марца, у хторей участвовали дзеци зоз першей класи єдного оддзелєня. Вони своїм мацером пририхтали танци, шпиванки, драмски слички и рецитациї на сербским и руским язику, котри у тей класи факултативно виучую велї школяре и зоз мишаних и малженствох другей националносци. Програму пририхтала їх учителька Геленка Кухар и наставнїца музичного воспитаня Татияна Барна.
После програми дзеци своїм мацером, учительки, наставнїци, директорки и педаґоґи подаровали дарунки котри направели у школи.
