ШИД – Всоботу у Руским доме отримани Шаховски турнир у рамикох Спортских бавискох „Яша Баков” на хторим ше змагали екипи з Петровцох з Републики Горватскей, КУД „Тарас Шевченко” з Дюрдьова, КПД „Иван Котляревски” з Бикичу и домашнї КПД „Дюра Киш”.
Бавело ше по такволаней Берґеровей системи,а побиднїк була екипа з Петровцох, Шидянє були други, Бикичанє треци, а Дюрдьовчанє штварти.
Отримани и швидкоцагаюци турнир по швайцарскей системи на хторим перше место освоєл Драґан Макивич зоз Шиду, други бул Милован Милашинович тиж зоз Шиду, а треци Иван Винтоняк з Петровцох.