СУБОТИЦА – Млада каратистка з Руского Керестура Сара Планчак освоєла перше место на Шветовим купу карате-шотокан союзу, хтори 10. и 11. октобра отримани у Суботици. Планчакова победзела у поєдинєчней борби у катеґориї надїйох.
На Шветовим купу карате-шотокан союзу участвовали коло 1 600 каратисти у шицких возростох и катеґорийох з 23-ох державох, а Карате-клуб Русин представяли спомнута Планчакова, та Марина Надь и Анамария Няради.
Нярадийова и Надьова ше тиж змагали у поєдинєчних борбох у катеґориї надїйох, а шицки три и екипно.
Каратистки Русину поєдинєчо и екипно пририхтал тренер Михал Орос, а одход на змаганє до Суботици помогли и родичи каратисткох.