Плацена пракса у обласци одношеньох з явносцу

автор ртв/сен
1.4k Опатрене

ЗОМБОР – Здруженє Нємцох „Ґерхард” зоз Зомбора розписало конкурс за праксу з обласци менаджменту у култури, а конкретно за роботу на змоцньованю и модернизациї одношеньох з медиями и явносцу. Приявиц ше можу млади од 22 по 30 роки зоз Зомбора и сушедних местох, котри одлично знаю нємецки язик и закончели студиї журналистики, лєбо були на фаховим усовершованю з тей обласци.

Пракса будзе тирвац осем мешаци, од 1. мая по 31. децембер 2016. року, а практиканти мешачно буду доставац 30 000 динари. Приявиц ше мож по 8. април.

Зоз Здруженя „Ґерхард” гваря же тота програма стипендованя оможлїви младим здобуц професийне искуство з обласци одношеньох з медиями и явносцу, проєктного менаджменту у култури, а унапредзи и знаня нємецкого язика.

Вецей информациї о програми пракси мож опатриц на сайту www.gerhardsombor.org.

ПОВЯЗАНИ ТЕКСТИ