ШИД – Внєдзелю, 21. авґуста, бавени змаганя першого кола єшеньскей часци першенства Општинскей фодбалскей лиґи Шид у хторей ше змагаю 11 екипи.
Фодбалере ОФК Бикич на госцованю у Бинґули победзели домашню екипу з 2:0, док шидска Єднота страцела на госцованю у Люби 1:0 процив Єдинства. Беркасовски Сримец тиж страцел, и то на госцованю у Ямени 4:0 процив Гранїчара, а ОФК Бачинци у першим колє були шлєбодни.
На таблїчки ОФК Бикич треци з трома бодами, а ОФК Бачинци, Єднота и Сримец без бодох та ше находза у долнєй часци таблїчки.
На нєдзелю, 28. авґуста, у другим колє ОФК Бикич дочекує Гранїчар, ОФК Бачинци буду бавиц процив ОФК Бинґула, а у Шидзе Єднота дочека Сримец.