НОВИ САД – Войводянски виглєдовацко-аналитични центер VOICE поволує младих новинарох и студентох котрих интересує виглєдовацке новинарство, же би ше уключели до роботи того центру.
VOICE настал у рамикох Нєзависного дружтва новинарох Войводини, з идею же би ше пополнєло пражнїну хтора постої у обласци виглєдовацкого новинарства у Сербиї.
Назва VOICE представя провокацию, прето же у прекладзе з анґлийского язика значи „глас“, а главни редактор Динко Ґрухонїч потолковал же тот центер будзе „глас хтори будзе спричиньовац пременки у дружтве”.
Заинтересовани ше можу информовац на сайту www.voice.org.rs