РУСКИ КЕРЕСТУР – Под час 54. Фестивалу рускей култури „Червена ружа” у Руским Керестуре, на соботу, 27. юния будзе отримани Керестурски саям. Саям будзе на отвореним – на спортских теренох у дворе Школи „Петро Кузмяк”, а почнє на 10 годзин.
Тема тогорочного Керестурского сайму стари ремесела, а його нєпоштредни орґанизаторе – Здруженє ремеселнїкох и приватних поднїмательох Керестура, як и Здруженє женох „Байка”, поволую шицких заинтересованих ремеселнїкох, поєдинцох и привреднїкох же би участвовали на Сайме и виложели свойо ручни роботи и продукти, и нєвязано за тему Сайму.
Приявиц ше мож по пияток, 26. юния до 12 годзин, на тел.: 064/045-68-90 (Наталия Емейди), лєбо 064/272-50-51 (Владимир Емейди). Понеже Саям будзе отримани у сотруднїцтве з Аґенцию за розвой Општини Кула, за участвованє ше мож приявиц и до Аґенциї.
Отримованє Керестурского сайму и того року потримую Покраїнски секретарият за польопривреду, водопривреду и лєсарство АП Войводини, Општина Кула и Месна заєднїца Руски Керестур.