Поволанка на Медзинародни саям палєнки, опреми и домашнього виробнїцтва

автор зам
839 Опатрене

АПАТИН – Реґионална привредна комора Зомбор, Општина Апатин, Туристична орґанизациї Општини Апатин и Здруженє гражданох „Златне яблуко” у Апатину 11. и 12. новембра орґанизую 2. Медзинародни саям палєнки, опреми и домашнього виробнїцтва и поволую шицких заинтересованих викладачох тих продуктох же би ше приявели за участвованє на Сайме.

Саям у Апатину будзе у сали Стил (Сербских владарох б.ч.), а за продуковательох палєнки є и змагательного характеру. Квалитет палєнки будзе оценьовац фахови жири, а найлєпши буду наградзени.

На Сайме будзе виложена и опрема за продуковательох палєнки, продукти домашнього виробнїцтва, та туристични потенцияли општинох.

Приявиц ше мож до Туристичней орґанизациї Општини Апатин на е-адресу office@apatin.org.rs, лебо волац на телефон (025) 772-555.

ПОВЯЗАНИ ТЕКСТИ