КОЦУР – Манастир шестрох служебнїцох у Коцуре вчера нащивела Заступнїца Дружтва за руски язик, литературу и културу (Дружтво) Ирина Папуґа и до скарбу Духовней читальнї о. Кирила Селецкого подаровала виданя Дружтва. Кнїжки прияла шестра Михаила Воротняк, а Читальня тераз богатша за коло петнац нови виданя.
Под час нащиви бешедованє и о представяню виданьох Дружтва у Коцуре, медзи нїма и кнїжки „Цеплосц дїлох, перли словох” Леони Лабош Гайдук, у хторей ше бешедує и о о. Андрийови Лабошови, коцурскому парохови у чаше кед одлучене же ше до Коцура приселя шестри служебнїци.