Подзекованя добродзечним давательом креви

автор апм
908 Опатрене

ВЕРБАС – У Велькей сали Скупштини општини Вербас вчера отримана шветочносц за добродзечних давательох креви, котри у 2015. року вецей раз дали крев. На шветочносци були 40 давателє, котрим уручени подзекованя и плакети.

Подзекованя достали 25-еро котри крев дали 50 раз, пецеро за 75 раз дату крев, а за аж 100 и вецей раз дату крев подзекованє достали 7 добродзечни давателє.

Подзекованя и плакети давательом креви придал предсидатель Општини др Братислав Кажич, а шветочносц з нагоди ювилейного даваня креви други рок за шором орґанизує Општинска орґанизация Червеного крижу Вербас, у сотруднїцтве з Општину Вербас и Службу за трансфузию креви у Общим шпиталю Вербас.

Шветочносц збогацели и школяре котри наградзени на литературним конкурсу „Крев живот значи” и з тей нагоди пречитали свойо роботи.

11-Verbas-02

ПОВЯЗАНИ ТЕКСТИ