БЕОҐРАД – Кир Георгий Джуджар вчера, 16. децембра, зоз беоґрадским парохом о. Владиславом Варґом, нащивел Управу за сотруднїцтво зоз церквами у Беоґрадзе.
У Управи их приял директор др Милета Радоєвич зоз сотруднїком Ґаврилом Ґрбаном. Владика з тей нагоди Управи подаровал преклад Библиї на руски язик и подзековал им за помоц коло видаваня, и за длугорочне сотруднїцтво и помоц нашей Церкви.
Пан Ґрбан ше заинтересовал за стан у нашей Церкви и виражел жаданє же би по конєц того року нащивел нашу епархию и владику у Новим Садзе.