Подобова колония идуцого викенду у знаку рочнїци народзеня Стевана Боднарова

автор зам
926 Опатрене

ҐОСПОДЇНЦИ – У Ґосподїнцох идуцого викенду, од 24. по 26. юлий, будзе отримана Єденаста Колония подобових уметнїкох и 14. дзецинска колония „Стретнуце у Боднарова”, у орґанизациї Дружтва за руски язик, литературу и кулуру.

Колония подобових уметнїкох будзе 24. и 25. юлия, а Дзецинска подобова колония на нєдзелю, 26. юлия. Робота обидвох колонийох будзе у ОШ „Жарко Зренянин”, а у Подобовей ґалериї у просторийох Месней заєднїци у Ґосподїнцох буду виложени подобово роботи з прешлорочней Колониї.

Тогорочне стретнуце визначних подобових уметнїкох, як и дзецох-подобових творительох будзе з знаку означованя 110-рочнїци народзеня Стевана Боднарова, котри народзени у Ґосподїнцох 1905., а умар у Беоґрадзе 1993. року.

З тей нагоди, на нєдзелю, 26. юлия, будзе отримана и промоция Подобовей моноґрафиї „Стретнуце у Боднарова 2005-2014”, у виданю Дружтва за руски язик, литературу и културу.

ПОВЯЗАНИ ТЕКСТИ