Подобови конкурс за школярох з Коцура

автор тах
1k Опатрене

КОЦУР – З нагоди Ювилейного рока милосердия, за школярох од першей по осму класу у Коцуре розписани подобови конкурс з тему „Божа любов ґу каждому чловекови”. Подобово роботи мож придац по 13. марец шестри Михаили Воротняк, вироучительки Ксениї Бесерминї, лєбо на грекокатолїцку парохию у Коцуре.

Технїка шлєбодна, а як гварели орґанизаторе конкурсу, дзеци инспирацию можу поглєдац у трох приповедкох з Євангелиї по Лукови – „Страцени и найдзени син”, „Страцена и найдзена драхма” и „Страцена и найдзена овечка”, хтори бешедую о Божому милосердию.

Роботи школярох буду виложени на вистави 20. марца, а найлєпши буду и наградзени.

ПОВЯЗАНИ ТЕКСТИ