ЖАБЕЛЬ – Прешлого тижня представителє здруженьох и КУД з предсидательом Општини Жабель Чедомиром Божичом подписали контракти о финансованю пограмох и проєктох хтори потримани на основи двох конкурсох.
Контракти подписани за финансованє и софинансованє проєктох и програмох КУД и здруженьох з местох жабельскей општини за проєкти хтори пестую културу и уметносц, за цо вєдно опредзелєни коло 3 и пол милиони динари и коло милион динари за други дружтвени активносци.
На конкурсу участвовали дзешец здруженя и КУД у обласци пестованя култури з 20 програмами и проєктами, як 25 здруженя з 37 проєкти и вимогами.
Финансийну потримовку достали и Здруженє женох „Олория” з Дюрдьова и Еколоґийне здруженє „Баґрен били” з Ґосподїнцох, як и Дружтва за руски язик, литературу и културу и дюрдьовске КУД „Тарас Шевченко”.
Як поведзене на подписованю контрактох, Општина Жабель пошвидко розпише ище єден конкурс за потримовку здруженьом и КУД з местох општини.