СЕРБИЯ – Велї жени котри муша буц на хорованю пре отримованє ваготносци, уж скоро три мешаци нє достали цале пенєжне надополнєнє – коментаровали жени на порталу „Бебац”.
Од прешлого року положнїци на хорованю маю доставац 100-одстотну плацу, односно 65 одсто прейґ роботодавателя з каси Републичного фонду за здравствене осиґуранє (РФЗО), а 35 одсто ма буц обезпечене з державного буджету.
На жалби о пожнєню надополнєня, з РФЗО поручели же векшу часц, односно 65 одсто надополнєня, виплацую у законским чаше, а же проблем настал у обраховйованю 35 одсто надополнєня. Пожнї ше пре технїчни проблеми – пре нову формулу за обраховйованє, хтору ше почало применьовац по налогу Державней ревизорскей институциї. Медзитим, твердза же од 10. марца положнїцом почнє виплацованє заостатого пенєжу.