РУСКИ КЕРЕСТУР – Пре нєдостаток кворуму, вчерайша схадзка позарядовей Скупштини акционерох Привредного дружтва „АБЦ ФУД” з Руского Керестура нє отримана.
Позарядова Скупштина зволана на вимогу векшинского власнїка керестурскей хладзальнї „Евґения трейд и травел” з Кипру Евґениї Шулеич, а главна точка дньового шору мала буц понїщованє шицких одлукох принєшених на схадзки порядней Скупштини акционерох хладзальнї, отриманей 9. октобра того року.
Медзитим, на схадзки нє присуствовали представителє векшинскей власнїци, та анї малих акционерох з Керестура и других местох, лєм вивершни директор фабрики Зоран Булатович, як и судийка зоз Судскей єдинки у Кули Основного суду у Вербаше, як новтаруш, котри по нових законских предписаньох обовязни присуствовац на схадзкох скупштинох привредних подприємствох.
Констатоване же схадзка нє може буц отримана пре нєдостаток кворуму, а директор нову закаже за 28. децембер, цо будзе обявена на веб-сайту хладзальнї – www.abc-food.rs
Тиж так, позарядову схадзку Скупштини акционерох „АБЦ ФУД” прейґ суду зволала и векшинска власнїца Виолета Шулеич, за 26. децембер.