Позарядово парламентарни виберанки 24. априла

автор бета/зам
1k Опатрене

БЕОҐРАД – Предсидатель Сербиї Томислав Николич вчера подписал Указ о розпущованю Скупштини Сербиї и Одлуку о розписованю позарядових парламенатних виберанкох за 24. април.

По розписованю виебранкох Николич гварел же Влада у толкованю Предлогу за розпущованє Скупштини наведла же пришол час за випитованє потримовки, понеже реформи до хторих Сербия вошла озбильно – боляци, та потребне знац чи маю потримовку гражданох.

Предсидатель держави новинаром у Предсидательстве гварел же виберанки укажу чи постої даяка нова идея и чи дахто други заслужує довириє гражданох, як и же тота Влада порушала велї реформи за хтори єй нєобходне обезпечиц нови мандат.

Тиж наглашел же обчекує фер, демократски и коректни виберанки, як и же таке одношенє у вибераковей кампанї обчекує и од медийох, понеже и од нїх завиши як гражданє буду одлучовац 24. априла.

Виражел наздаванє же започати реформи буду предлужени, як и же опозиция будзе мац нагоду превериц свой уплїв.

ПОВЯЗАНИ ТЕКСТИ