НОВИ САД – Нарис закона о вименкох и дополнєньох Закона о водох причина же би Покраїнска влада ознова реаґовала на поцаги Републичней влади, на основи хторих мож заключиц же ше помали утаргує компетенциї Покраїни.
После вчерайшей схадзки, Покраїнска влада сообщела же пошлє ище єдну вимогу за схадзку з Владу Републики Сербиї, на хторей би ше розпатрало актуални питаня хтори гамую роботу Покраїнскей влади, цо ше окреме одноши и на нєдостаток 4,4 милиярди динарох у покраїнским буджету.
На схадзки заключене же покраїнски секретаре пририхтаю податки о дотерашнїх пременкох у задлуженьох, после чого то на розправянє будзе предложене и Скупштини Войводини.