Покраїна глєда од Влади Сербиї 4,4 милиярди динари

автор сен
741 Опатрене

НОВИ САД – Покраїнска влада принєсла заключенє з хторим од Влади Сербиї вимага же би до Покраїни преруцела 4,4 милиярди динари, кельо хиби у буджету, гварел Покраїнски секретар за финансиї Зоран Радоман и додал же ше наздаваю же достаню позитивни одвит од Влади, понеже то єдна з обовязкох державней администрациї.

Як потолковал Радоман, Покраїнски буджет менши у одношеню на плановани пре слаби резултат привреди, цо ше одражело на порцию на добиток подприємствох. До буджету АПВ идзе 42,7 одсто тих порцийох, цо єден з главних жридлох финансованя.

На конференциї за новинарох Радоман поинформовал же початком того тижня Управни одбор Фонду за розвой Републики Сербиї принєсол одлуку о прилапйованю понуканя за предаванє 29,12 одсто акцийох „Тесла шпоровней банки“ и оценєл же то нє добри поцаг за Сербию, насампредз прето же Серби у Горватскей и Серби котри би ше тирвацо могли врациц до тей держави, страца инстумент за помоц и єдину фионансийну институцию Сербиї у Европскей униї.

ПОВЯЗАНИ ТЕКСТИ