Покраїна понука помоц општином у хторих єст вилїви

автор бета/ядю
1.4k Опатрене

НОВИ САД – Покраїнски институциї порихтани помогнуц Сектору за позарядово ситуациї Сербиї у материялу, технїчних средствох и фаховцох и послац помоц до општинох у Сербиї у хторих єст вилїви, сообщел нєшка Биро за информованє покраїнскей влади.

Пре вилїванє рикох преглашена позарядова ситуация у вецей општинох на териториї Сербиї, а на инициятиву предсидателя Покраїнскей влади Бояна Пайтича отримана схадзка по наглим поступку Покраїнского штабу за позарядово ситуациї, Покраїнского секретарияту за польопривреду, водопривреду и лєсарство и Явного водопривредного подприємства „Води Войводини”, гвари ше у сообщеню.

На схадзки констатоване же водоцек у Войводини на задоволююцим уровню, же нєт векши бриґи, шицки водо-станїци и охранєбни гаци у оперативним стану и приправносци, а фахово служби у подполносци порихтани реаґовац кед же ше хвиля нагло погуби.

ПОВЯЗАНИ ТЕКСТИ