Покраїна предлужує виплацованє надополнєня за треце дзецко

автор ртв фото зам
860 Опатрене

НОВИ САД – Покраїнска влада на вчерайшей схадзки принєсла одлуку же ше предлужи виплацовац пенєжна помоц фамелийом у котрих ше народзи треце дзецко, у суми 12 000 динари на мешац по хасновательови по конєц 2016. року, сообщене з Бановини.

У сообщеню ше гвари же по розпатраню Информациї о реализациї мирох утвердзених з програму демоґрафского розвою АП Войводини у першим полрочу 2016. року, Покраїнска влада оценєла же мири з хторима ше стимулує родзенє дзецох єден з тирвацих приоритетох и источашнє констатовала же нєобходне найсц додатни средства за тоти потреби, понеже у актуалним буджету Покраїни за тот рок нє були предвидзени средства за тоту намену.

Влада нєшка принєсла и одлуку о числу студентох за упис на перши рок мастер академских студийох и докторских академских стуйох котри ше финансую з буджету Войводини на факултетох Универзитету у Новим Саду за школски 2016/17. рок.

Покраїнска влада принєсла и ришеня о поставяню седем подсекретарох и 15 нових помоцнїкох покраїнских секретарох у ресорних секретариятох и пейц нових помоцнїкох директорох Управи за капитални укладаня и Управи за заєднїцки роботи покраїнских орґанох.

ПОВЯЗАНИ ТЕКСТИ