Покраїна софинансує 14 нови медзинародни проєкти

автор сен
924 Опатрене

НОВИ САД – З буджету Автономней покраїни Войводини (АПВ) обезпечени 29,4 милиони динари за софинансованє 14 нових медзинародних проєктох хтори финансийно потримала Европска уния.

Средства достаню Природно-математични факултет за проєкт поспишованя сотруднїцтва у образованю медицинских физичарох, Польопривредни факултет, Технолоґийни факултет, Универзитет „Едуконс”, Универзитет у Новим Садзе и Креативно-едукативни центер, шицки за по два проєкти.

Покраїна потрима и проєкти Реґионалней аґенциї за розвой малих и штреднїх подприємствох – „Алма-монс” д.о.о., подприємства „Биоґранум” д.о.о., „Импакт ИТ ґруп”, та Институту за онколоґию Войводини и Општини Бач.

З нагоди уручованя контрактох предсидатель Покраїнскей влади Боян Пайтич визначел же Покраїнска влада єдина администрация у Сербиї хтора софинансує медзинародни проєкти.

– Прето Универзитет у Новим Садзе ма вельо вецей витворени медзинародни проєкти у одношеню на други универзитетски и науково иституциї у нашей держави. Кед рахуєме и нєшка подписани 14 контракти, того року зме потримали вєдно 24 медзинародни проєкти зоз 46 милиони динари – гварел Пайтич.

ПОВЯЗАНИ ТЕКСТИ