НОВИ САД – За роботу Оддзелєня Сербскей академиї наукох и уметносцох у Новим Садзе, з Покраїнского секретарияту за науку и технолоґийни розвой опредзелєни два милиони динари. Пенєжи наменєни за науково-виглєдовацки роботи, видавательну дїялносц, науково трибини и преподаваня, модернизованє новосадского САНУ, а окреме набавки опреми за прикапчованє на универзитетску мрежу.
Контракт о додзельованю средствох подписали покраїнски секретар за науку и технолоґийни розвой Владимир Павлов и предсидатель САНУ у Новим Садзе Стеван Пилипович. Павлов поручел же два милиони динари мало за таку институцию, та ше убудуце будзе закладац за доставанє векших средствох.
Пилипович з тей нагоди гварел же нови Вивершни одбор САНУ у Новим Садзе ма амбициї и енерґиї, з чим свойо активносци подзвигнє на висши уровень.