НОВИ САД – З покраїнского буджету того року видвоєне 64 милиони динари за Програму обнови и помоци општином и гражданом загроженим у вилївох на подручу АП Войводини, а найвецей општином Шид, Сримска Митровица, Ириґ, Беочин и Печинци.
Валал Ямена у шидскей општини найбаржей страдало у майских вилївох, та покраїнска влада до того места континуовано посила помоц гражданом. Медзитим, ище вше до конца нє ришени проблем биваня за жительох Ямени чийо хижи знїщени у вилївох, а за цо задлужена Канцелария Влади Сербиї за помоц и обнову вилятих подручох – поведзене у сообщеню зоз схадзки Покраїнскей влади.
Пре актуални стан у Майданпеку, Покраїнска влада розпатри можлївосц за помоц и жительом тей општини.