НОВИ САД – Покраїнска влада сообщела же на своєй порядней схадзки 20. януара дала согласносц на Програму роботи Фонду „Европски роботи” АП Войводини за 2016. рок, дзе у фокусу тиж будзе дальше творенє административних и институцийних капацитетох Покраїни за цо ефикаснєйше хаснованє средствох з фондох Европскей униї, у рамикох програмох прейґгранїчного сотруднїцтва.
У тим напряме Фонд предлужи з обуками за занятих у покраїнскей администрациї, општинох, явних подприємствох, орґанизацийох цивилного дружтва и других, о можлївосцох хтори нам понука ЕУ, кед слово о европских фондох.
Будзе предлужене и злєпшованє капацитетох Фонду „Европски роботи” у Бриселу, а Фонд предлужи з едукованьом кадрох котри ше занїмаю з процесом европских интеґрацийох, та у тим року буду орґанизовани обуки у рамикох програми „Управянє з реґионалним розвойом з ЕУ фондами”.