ДЮРДЬОВ – Представителє Покраїнского защитнїка гражданох (омбудсмана) на ютре, 7. априла буду у Дюрдьове, дзе у Шветочней сали Месней заєднїци од 10 до 11 годзин буду примац гражданох.
Гражданє представительох Омбусмана нєпоштредно годни поинформовац о стану у витворйованю, защити и унапредзеню людских правох, придац притужби на роботу орґанох власци и явних подприємствох и установох од найнїзшого по найвисши уровень, як и достац безплатни правни совити.
После Дюрдьова, представителє Покраїнского омбудсмана исти дзень буду у Будисави, дзе гражданох буду примац од 12,30 до 13,30 г., тиж у просторийох Месней заєднїци.