Покраїнски секретар Бєлич нащивел Вербас

автор тах
900 Опатрене

ВЕРБАС – Општину Вербас стреду, 5. октобра, нащивел покраїнски секретар за реґионални розвой, медзиреґионалне сотруднїцтво и локалну самоуправу Оґнєн Бєлич, дзе бешедовал з предсидательом Општини Миланом Ґлушцом.

Секретар Бєлич з тей нагоди поручел же кажда општина у Войводини муши пририхтац 10 предлоги проєктох и же шицких обчекує велька робота на проєктох хтори буду финансовани з вонкашнїх жридлох, а Покраїнска влада да потримовку у тим процесу.

Секретар Бєлич представел цилї роботи Секретарияту и обчекованя од локалних самоуправох у наступним периодзе, дзе визначел ревидованє стратеґийох розвою и акцийних планох у локалних самоуправох, як и звекшованє капацитетох локалних самоуправох и канцеларийох за локални економски розвой.

По його словох, општини би мали робиц на проєктох з обласци енерґетскей ефикасносци и наглашел же пред двома днями розписана поволанка за прейґгранїчне сотруднїцтво з Мадярску, дзе на розполаганю коло 21 милион еври, та же би општини требали конкуровац зоз своїма проєктами.

Предсидатель Општини Вербас як приоритетни проєкти у тей општини визначел вибудов индустрийних зонох у Коцуре и Савиним Селу.

6-Verbas-02

ПОВЯЗАНИ ТЕКСТИ