ШИД – Покраїнски секретар за польопривреду, лєсарство и водопривреду Чедомир Божич у рамикох нащивох польопривредним ґаздовством у АП Войводини, вчера нащивел ґаздовство фамелиї Мартич у Куковцох у општини Шид.
Як гварел з тей нагоди, причина нащивох же би ше спатрело проблеми польопривреднїкох и плановало средства у буджету за наступни рок.
Фамелия Мартич обрабя 134 гектари жеми и конкуровала на покраїнски конкурси дзе достали средства за два трактори.
Зоран Семенович, предсидатель Општини Шид гварел же постої добре сотруднїцтво зоз ресорним секретариятом и же воно будзе предлужене и убудуце, а на хасен польопривреднїкох.